پنجشنبه ، ۱۳۹۷/۰۵/۲۵

گوت و بیژ لە گەڵ بەرێز ڕەحمان تەقی زادە

زۆر نین ئەو کەسانەی ژین و تەمەنی خۆیان خستۆتە بەر دەسترێژی بیر و ئەندیشە و خولیا و حەز و ئاواتەکانیان لە چەند دێر یا بە کۆ کردنەوەی کەل و پەلی ڕابردوو دەبیننەوە
گوت و بیژ لە گەڵ بەرێز ڕەحمان تەقی زادە


ئەو کەسانەی وا بەشی هەرە زۆری ژیانیان خستۆتە بەر پێی ئەوین و لە پێناو گێشتن بە دڵدار باجیان داوە ناویان دەبێ بمێنێ و بە خاوێنی یادیان بکرێ،بەرێز کاک ڕەحمانی تەقی زادە یەکێک لەو کەسانەیە کە بە درێژایی ڕۆژگار لە هەرەتی لاوەتیەوە بەشی هەرە زۆری تەمەن و وزەی خۆی بۆ کۆ کردنەو و ڕاگرتنی یاد و بیرەوەری کەڵە هونەرمەندانی سەردەمی خۆی و ئەو کەسانەی کەوا بە مەزنی ماویتنەوە تەرخان کردووە،زۆربەمان میرزا ڕەحمان بە کەسێکی ڕێزدار و پیاوی ناو پیاوان،دڵ ناسک و ڕووح سووک دەناسین،تا ڕادەیەک ئاگادارین کە ئەو بەرێزە لە ئەرشیڤی خۆی دا جگە لە ڕاگرتنی هیندێ کەڵ و پەلی دەنگ و زەبت کردن لەوانە گرامافۆن و ئاکای و ڕادوێ و...کە هی سەردەمی زوو بوونە بە سەدان فیلم و وێنە و شریتی دەگمەنی پاراستووە و ئەمرۆ دوای پنجا و چوار ساڵ بوونەتە مێژوو و بە تاسەوە سەیریان دەکرێ با لە زمانی خۆی گوێ بیسی هیندێ بیرەوەری خۆش بین.(گادەر پۆست بە سەر گوت و بێژە کە دا هاتووتەوە)

میرزا ڕەحمان تکایە باشتر خۆتان بە بینەرانی گادەر پۆست بناسێنن:

  • بەڵێ،من ناوم ڕەحمانە و شۆرەتم تەقی زادە ساڵی ١٣١٥ لە ئاوایی نەلیوان لە دایک بوومە،کوری میرزا ئەکبەرم و خانە نشین کراوی پەرەوەردە و ڕاهێنانم.

کەواتە جەنابت ماموستاش بوویە؟ساڵی چەند دامەزرای و لە چ سالێکا کۆتایی بە خزمەتت هات؟

  • سالی ١٣٣٦ وەک ماموستای قوتابخانە دامەزراوم و ساڵی ١٣٦٤ خانە نشین کراوم،سەرەتا لە نەلیوان بووم و دواتر تا کۆتایی هەر لە شارە جوانەکەی شنۆ خزمەتم کردووە.

بەرێز تەقی زادە چۆن بوو ئۆگری ئاواز و کۆ کردنەوەی ئەم ئەرشیڤە دەوڵەمەندە بووی؟

  • دوای دامەزراندنم لە پەروەردە و ڕاهێنان بە چڕی دەستم بە گوێ گرتن و کۆ کردنەوەی ئەو ئاهەنگ و ئاوازانەی سەردەمی خۆم کرد،من ئەو کات دوای دانی وانە وتنەوەم ڕادیۆیەکم هەبوو کە زۆر بە جوانی ڕادیۆ دەنگی عێراقی وەردەگرت ئەو کات هێشتا ڕادیۆ کرماشان دەستی بە کار نەکردبوو و لە ئێران بە کوردی هیچ رادیۆیەکمان نەبوو،دەنگی عێراق بەشێکی هەبوو هەموو ڕۆژێ گۆرانیەکانی ڕۆژی دواتری دەناساند و بڵاوی دەکردەوە،من لەو کاتەوە بەو پەری هەست و هۆشەوە ئۆگری بووم و گشت ئەو گۆرانیانەم بە زەبتێکی بچووک کە هەمبوو تۆمارم دەکرد.

کاک ڕەحمان لە ڕادوێ دەنگی عێراق ئەو کات زۆرتر چ گۆرانیبێژێک گۆرانی دەچڕی؟

  • یادیان بە خێر ماموستایان عەلی مەردان،تاهیر تۆفیق،ڕەسوو گەردی،محەمەد عارف جزیری،نەسرین شێروان و دواتر ماموستا حەسەن زیرەکیش هاتە ناو ئەم پۆلە هونەرمەندانە.

باسی ماموستا حەسەن زیرەکی نەمرت کرد،ئایا جەنابت لە نزیکەوە دەتناسی؟

  • (بە پێکەنینێکی پڕ لە حەسرەتەوە)چۆن نەمدەناسی ساڵ و نیوێک لە لای من بووە.

یانی لە گەڵ ئێوە دەژیا؟

  • ٣ مانگ لە گەڵ ئێمە ژیا یادی بە خێر ئەو کات رابیحە خانم هاوسەری بوو دواتر کە خانووەکی بە کرێ گرت نزیک ١٥ مانگانیش لەوێ دا ژیا

ئایا پێکەوە بۆ تۆمار کردنی شریت یا بە واتایەکی تر گۆرانی پێکەوە دانیشتوون؟

  • بە دەیان جار پێکەوە بووینە زۆرمان وێنە پێکەوە گرتووە بەڵام بە داخەوە عەکسەکان لای عەزیز خەیاتی ڕەحمەتی بوو دوای کۆچی دوایی ناوبراو بێ سەر بوونە هەڵبەت دەڵێن لای کەسێکی خانە ییە،جارێکیان کە بە سەنەد هەمە ١٣ ی خاکەلێوەی سالی ١٣٥٠ پێکەوە لە ماڵی ئێمە دانیشتین و ئەو گۆرانییەی"شاری شنۆ" مان لەوێ تۆمار کرد.

لە گەڵ کام هونەرمەندی تر دانیشتوون و دەنگتان تۆمار کردووە؟

  • یادی بە خێر لە گەڵ کاک محەمەدی ماملێ لە ماڵە کاک کەریم تەلایی بووین کاک حوسێن ڕەهبەر بوو،بەرێز فەیزی نیژاد و محەمەد دانش و هیندێ دۆستی تر کە بە داخەوە ئێستا ناوم لە بیر نەماون.

ئەو شریتە(کاسێت) لە سەری نووسراوە بەیتی خەلیل پاشا،ئەوە کێ نووسیویتی و کێ گوتویەتی؟

  • ئەو شریتە ساڵی ١٣٤٤ تۆمار کراوە و ڕەحمەتی میرزا جەلیل بەگزادە خەڵکی ئاوایی نەڵیوان بۆ خۆی نووسیوتی و مەرحوم حاجی ئیبراهیم خەلیل گوتویەتی

وەک بیستوومانە جگە لە زەبت و تۆمار کردنی کاری هونەری جەنابت ئەرشیڤێکی کەم وێنەتان لە ڕۆژنامەی "اطلاعات" هەیە،ئەوە چۆن بووە؟

 

  • من لە سەرەتای ساڵی ١٣٥٧ تاکوو کۆتایی ئەو ساڵ(١٣٥٨) هەموو ڕۆژێ ئەم ڕۆژنامەیەم بۆ دەهات و لە ئارشیوی خۆم دا پاراستوومە و ئیستاش دەتوانن کەڵکی لێ وەرگرن.

میرزا ڕەحمان دوامین  قسەت بۆ خوێنەرانی ئەم سایتە چییە؟

  • زۆر خۆشحال بووم کە ئێوەی گەنج و لاو بایەخ بە ئەدەب و هونەر دەدەن و منتان بە سەر کردەوە هیوا خوازم گشت لاوەکانی ئەم وڵاتە بایەخ بەو کەسانە بدەن کە ساڵانێک خزمەتیان بە فەرهەنگ و فولکلوری گەلەکەیان کردووە،هەر ساخ بن و بە خۆشیتان دەسپێرم.
  •  

ئێمەش وەک کارگێرانی گادەر پۆست هیوای ساخ و سڵامەتی بۆ ئەم کەڵە پیاوە دەخوازین و ئاواتە خوازین نمونەی ئەوهامان زۆر بن.

 

 

 


6195
بازدید
12
نظرات
تاریخ ارسال : ۱۱:۱۹:۱۴ _ ۱۳۹۳/۰۹/۰۱
  • حامیدڕەشیدی زەرزا:
    ۱۴:۵۲:۵۵ __ ۱۳۹۳/۰۴/۰۶

    مامۆستا گیان.دەستخۆش بۆ ئێوەی پێنووس ڕەنگین و ماندوو نەناس کە لەو تاریکە شەوەی ئانگوست لە چاو دا قۆڵی هیمەتتان لەو بەستێنە لێهەڵماڵیوە. بێگومان ناساندنی ئەو جوامێرانە بە نەسلی دواڕۆژ یەکێک لە فەتعی ترووپی سەر بەرزیە. دەجا لەو ڕێگایە دا سەرکەوتنتان لە بارەگای خوای مەزن بۆ دەخوازم. ئەوەش حاشا هەڵنەگرە کە بەڕێز کاک میرزا رەحمان تەقی زادە مرۆڤێکی ورد بین و بە ئەزموون و لێهاتوو نیشتمان پەڕوەروو ئیمانداروو لێزان وو ئاگاداری دۆخی کۆمەڵایەتی و کەسایەتیەکی بە وەجی نەتەوەکەمانە.لێرەوە داوای تەمەن درێژیی و ساخ و سەلامەتی لە بارەگای حەق تەعاڵا بۆ دەخوازم. قوربانت حامید ڕەشیدی زەرزا.٢٧/٦/٢٠١٤ی زایینی.

  • محمد:
    ۱۲:۵۶:۴۴ __ ۱۳۹۳/۰۴/۰۷

    سڵاو لەم کەڵە پیاوەی شاری شنۆ،یا خوا دەستەکانی خۆش بی و کەسانی وەک جەنابت زۆر بن

  • maher:
    ۱۲:۵۸:۵۸ __ ۱۳۹۳/۰۴/۰۷

    بسیار عالی و زیبا،گادر پست عزیز از قبیل این کارها و مصاحبە ها رو ادامە بدین مطمئا موفق خواهید شد

  • ایوب:
    ۲۰:۱۶:۴۲ __ ۱۳۹۳/۰۴/۰۷

    سلام براستی دسته کانی به ریز تقی زاده خوش بیت له گه ل ئیوه / زورسپاس بوتو به هیوای تمن دریژی بو جنابتان / ایوب ادهمی

  • :
    ۱۰:۳۴:۴۷ __ ۱۳۹۳/۰۴/۰۸

    کاکه‌ تکایه‌ گووت و بێژ هه‌ڵه‌یه‌ وتووێژ راسته‌!!

    مدیریت سایت :
    دۆستی بەرێز هەرچەند گوت و بێژ ڕاستترە بەڵام وتووێژ یش بە کار دەبەن و ڕەنگبێ باشتر جێ کەوتبێ
  • :
    ۰۰:۳۴:۱۷ __ ۱۳۹۳/۰۴/۰۹

    دستتون درد نکنه متشکریم

  • طاهر شالی ابادی:
    ۱۸:۵۲:۴۱ __ ۱۳۹۳/۰۴/۱۰

    یه مدت پیش منتظر تاکسی بودم آقای تقی زاده با ماشین جلوم واستادند گفتند سوار شو ، البته اون موقع ایشون رو نمی شناختم ، یکم حرف زدیم برام جالب بود شخصیتشون اون موقع ، ممنون از گادر پست عزیز که باعث شد بفهمم اون شخص کی بود

  • :
    ۱۰:۵۹:۲۰ __ ۱۳۹۳/۰۴/۱۲

    اقای تقی زاده بر گردن هنر حق دارند از گادرپست ممنون که تا حدودی دینی را که بر گردن این مردم دارند را ادا نمودند

  • باوکی موبین:
    ۰۰:۲۷:۴۱ __ ۱۳۹۳/۰۴/۱۳

    سوپاس وریز بو به ریوه به رانی گادر پوست وده ست خوشی بو به ریز تقی زاده .خوزیا که سانی وینه ی ئه ومان زور با بو پاراستنی که لپوری ولاته که مان .

  • Jamal khezri:
    ۱۷:۳۰:۲۶ __ ۱۳۹۳/۰۵/۲۲

    وێرای سڵاوو رێز بۆ ئیوه به ریوه به رانی گاده ر پۆست، هیوادارم له کاره کانتاندا به رده وام وو سه ر که وتوو بن.به راستی به رێز میرزا ره حمان ته قی زاده هه م له بۆاری فه رهه نگ و هونه ر، و هه م له دۆخی کۆمه لایه تی شه خسییه تێکی زور موئه سێری وڵاته که مانه، و مێژوو سه نه دێکی هه ره گرینگه بو ئیسباتی خزمه ته کانی ئه و مامۆستا خۆشه ویسته ی. ئه و به رێزانه ی وه ک ئاغای ته قی زاده که ئاساری هونه ری هو نه رمه ندان ده پارێزن وو راده ستی نه سلی دۆارۆژی ده که ن به راستی هه ر ئه وانن که یاد وو ده نگی هونه ر مه نده کانمان زیندوو را ده گرێن. هه ر ساخ و سڵامه ت بن، جه مال خزری.

  • :
    ۱۵:۰۸:۵۹ __ ۱۳۹۳/۱۰/۰۱

    از دیدن نام آقای... خان در این سایت حالم به هم میخوره چون در سال 59-60 من به دستور او در پاکسازی معلمان ار کار اخراج شدم آقای ابراهیم نژاد تعقیق کن و بدون در آن سالها چه بر سر کامندان آن زمان آورد بعد کامنتهاشو چاپ کن. با تشکر

  • :
    ۲۳:۳۶:۲۸ __ ۱۳۹۴/۰۴/۰۴

    له گل ریزو سلاو بو ماموستای خوشه ویست ،هیوادارم هر سه رکه وتو بی .هیوادارم که له ریچکه ی خزمت به کلتوری کوردی هروا به رده وام بی .


نظر خود را ارسال کنید


نام:
ایمیل:
دیدگاه:
کد امنیتی :


تمامی حقوق این سایت ، متعلق به وب سایت شنو پرس می باشد.
طراحی و برنامه نویسی : سورس کد