پنجشنبه ، ۱۳۹۷/۰۵/۲۵

بەرێز کاک حەسەن شەریفی ناسراو بە حەسەن توزەلە

زۆر نین ئەوانەی وا ژیان و ماڵ و تەمەنیان فیدای پاراستنی فەرهەنگ و کەلەپووری کوردی کردووە و بۆ بەرز و زیندوو ڕاگرتنی ئەم دیاردە دەولەمەندەی کورد ژیانیان داناوە،ئەمجار دەچینە خزمەت زۆر بەرێز ماموستا حەسەن شەریفی(تووزەلە) و داواکارین تا کۆتایی لە گەڵمان بن.
بەرێز کاک حەسەن شەریفی ناسراو بە حەسەن توزەلە


گادەر پۆست:کاکە حەسەن گیان لە کەنگێوە تووزەلە دەژەنی؟

کاک حەسەن:بەر لە هەموو شت زۆر سوپاسی ئێوە دەکەم،من هەر لە سەرەتایی مناڵیەوە لە تەمەنی ٨ ساڵی بە بێ هیچ ماموستایەک و هەر لە سەر ئۆگری و هەستی خۆم فێری تووزەلە بووم و تا ئێستاش بەردەوام لە شایی و کۆر و مەجلیسان ژەنیومە.

گادەر پۆست:تا ئێستا لە گەڵ کام لە هونەرمەند بەشداری بۆنە و شایی بوویە،بە واتایەکی تر لە گەڵ کێهە لە گۆرانی بێژان هاوکاریت کردووە؟

کاک حەسەن:من لە گەڵ خوالێی خۆش بی قادر مامەندی و بەرێز ماموستا محێدین پێچ قیت و زۆرێکی تر هاوکاریم هەبووە و تووزەلەو نایەم بۆ لێداون.

گادەر پۆست:کەوابوو جەنابت جگە لە تووزەلە نایەش دەژەنی؟

کاک حەسەن:من هەر لە سەرەتاوە بە تووزەلە دەستم بە کار کردووە بەلام ١٥ ساڵ دەبێ کاری نایەش دەکەم،با ئەوەش بڵێم کاک محەمەدی زارعی بە دەهۆڵ و زەرب گەلێک یارمەتی داوم.

گادەر پۆست:ماموستا دۆخی ژیانت چۆنە،ئایا پەژیوان نی کە مووی سەرت لە پێناو خزمەتی کردن بە فەرهەنگ و هونەری کوردی سپی کردووە؟

کاک حەسەن:هیچ کات پەشیمان نیم و هەردەم لە خزمەت هونەری کوردی دام بەڵام بە داخەوە باری ژیانم لەو پەری لاوازی و خراپی دایە زۆر بێ کەسم،ژنم نەماوە و منداڵیشم نییە،ئێستاش شەوانە بۆ پشوودان دەچمەوە موسافیرخانەی پوپوولە،ئەو خانووە کە بە کرێ تێی دابووم لە بەر بێ پوولی لێیان وەرگرتمەوە.

گادەر پۆست:ئەدی ئێستا چۆن پوولی شەوانەی جێ خەوت دابین دەکەی؟

کاک حەسەن:پێشوو زۆر باش بووم بەڵام لەوەتا ئەو ئامێرە موسیقا کارەباییانە دەرکەوتوون بازاری ئێمەش کەسادبووە دیسان جار جارە داوەتم دەبن جاری واشە خەڵک یارمەتیم داەدا.

گادەر پۆست:چ چاوەروانییەکت لە خەڵک هەیە؟

کاک حەسەن:من ئێستا تەمەنم ٦١ ساڵە و هەر لەو شارەش ژیاوم بۆیە پێم وایە مافم لە سەر ئەو خەڵکە هەیە و لەگەڵ ئەوەیکە زۆریان یارمەتی داوم بەڵام دیسان داواکارم لێیان ئەوە ئەمن بووم ژینی خۆم بۆ خزمەت بەوان و شایی و خۆشیان دانا با ئەمجارە نۆرەی ئەوان بێ لەوساتە وەختەدا کە تەمەنم بەرەو سەرتر دەچێ و لە گەڵ ئەوەیکە ئێستاش توانای کاری هونەریم هەر هەیە بەڵام وەک ئەرکێک یارمەتیم بدەن،ئەوەش بڵێم من دەستی منەت بۆ کەس ڕانادێرم بەڵام چ بکەم دۆخی ژیانم جۆرێکە ئەگە هاوشارییەکانم یارمەتیم نەدەن بەڕێ ناچم.

گادەر پۆست:بەڕێز کاک حەسەن زۆر سوپاس بۆ ئەوەیکە ئەم گوت و بێژەت لە گەڵ ئێمە کرد،دڵنیابە خەڵکی بە ئەمەگ و دڵسۆز زۆرن و هیوادارین بە هەموومان ڕێز لە ژیانی هونەری ئێوە و کەسانی وەک ئێوە کە هەموو ژیانیان بەختی گەلەکەیان کردووە،بگرین.

 


2601
بازدید
2
نظرات
تاریخ ارسال : ۱۲:۵۵:۰۶ _ ۱۳۹۳/۰۵/۲۰
  • :
    ۱۷:۳۵:۰۹ __ ۱۳۹۳/۰۵/۲۰

    سڵاو لەو کەڵە پیاوەی هونەرمەند بەراستی جێی خویتی هەموومان یارمەتی بدەین با تۆزێک ویژدانمان ئەهوەن بێتەوە

  • :
    ۱۷:۳۷:۴۱ __ ۱۳۹۳/۰۵/۲۰

    مام حەسەن گیان قالبت ساخ بی و ماندوونەبی حق وایە خەلکی ام شارە کمکت بکا و دستت بگری،تو لەو کەسانی کە زورت خزمتی فرهنگی کوردی کردوە دەبی آگامان لیت بی،دتبینم انشااللە...


نظر خود را ارسال کنید


نام:
ایمیل:
دیدگاه:
کد امنیتی :


تمامی حقوق این سایت ، متعلق به وب سایت شنو پرس می باشد.
طراحی و برنامه نویسی : سورس کد