پنجشنبه ، ۱۳۹۷/۰۵/۲۵

بیرەوەری ژنێکی سەرکەوتوو

جا خۆ نازانم لە کام بیرەوەری دەست پێبکەم هیندەم قسە لە ناو دڵی دایە بە قەرا هەموو کتێبەکانی ئەم دوونیایە!
بیرەوەری ژنێکی سەرکەوتوو


گادەرپۆست: دایە گیان ئەو کاتەت باش؟

خەدیجە مەعروف مەولا: هەمو کاتت باش ڕۆلە گیان، زۆر بە خێر بێی سەرچاوم...

گادەرپۆست: زۆر سوپاس ، هەردەم ساخ و سڵامەت بی انشااللە...

گادەرپۆست: دایە خەجیج دەکرێ هیندێکت پرسیار لەو ژیانە سەخت و دژوارەی کە تێپەریوە لێ بکەم؟ ساڵی چەند و لە کوێ لە دایک بوویە؟

خەدیجە مەعروف مەولا:(جا بۆ ناکرێ بابی بام)، ئەرێ وەڵاهی هیندە بە کوێرەوەری ئەو ژیانەم گوزەراندووە مەگین خوا بزانێ، ئەمن لە ساڵی ١٣١٠ هەتاوی لە ناوچەی "زێدان" سەر بە لاجانی پیرانشار لە دایک بوومە و ساڵی ١٣٢٥ لە تەمەنی ١٥ ساڵی دا مێردم بە حاجی برایم رەشید نیا کرد، ئەو کات لە ئاوایی نەڵۆس بوو و ئێستا شارە، بە ناشوکری نەبێ ئەو زەمانی هیندە دەرفەت و کەرەسەی ژیان نەبوو.

گادەر پۆست:دایە خەجێ لێرە و لەوێ پرسیارم کردووە هەموو ئەوانەی دەتناسن گەڵێک تاریفت دەکەن و پێیان وایە شێرە ژنێکی ڕۆژگاری و زۆر بە چەتوونی ژیانت بە سەر بردووە،دەکرێ هیندێک بۆمان باسی ڕابردوو بکەی؟

خەجیج مەعروف مەولا: جا خۆ نازانم لە کام بیرەوەری دەست پێبکەم هیندەم قسە لە ناو دڵی دایە بە قەرا هەموو کتێبەکانی ئەم دوونیایە! ئەمن کە بە بووک هاتم ئەو دەم بە سوارێ گوێزتیانمەوە و بە سواری ئەسپ هاتمە ماڵی نوێم،هەزار جار یادی بەخێر،پێنج شەو و پێنج ڕۆژان شایی و بەزم و دیلان بوو دەهۆڵ و زوورنا لە سەر سەربانی دەیکوتا و دێهاتەکانی دەورووپشت گشتی دەهاتن و زۆر بە دڵخۆشی تێدەپەری ... چما وەک ئێستا بوو!! ئەو کات ژنی تازە پێی شەرم بوو هەتا ساڵێکیش بێتە دەرێ و لای پیاوەکان نان و چای بخوا شەرم و عەیبە هەبوو قەدەر حەیامێک تێدەپەری جا دەچوویە ماڵە بابت بەڵام ئێستا کوا ئەو داب و نەریتە جوان و خاوێنە ماوە؟ ئێمە نۆ کەس لە یەک ژوور دا بووین و زۆر بە دەگمەن کێشە و ناخۆشیمان لە بەین دا بووە، بەیانی هەڵدەستاین نوێژی بەیانین دەکرد دەچووینە تەویلە و وڵاخن تاقەت دەکرد،دەندۆشی،تفاقن دەدایێ، بنن دەماڵی ئاون دەدان جا ئەو جار دەبوایە تەشتێک نانی گەرم و جوان بکەین، پێش ماڵن ئاوپرژێن دەکرد و گەسکن لێدەدا،(دیارە ئەو کارانە هەموو بە سەر ژنەکانی ماڵ دابەش دەکرا و هەرکام کاری خۆی بۆ دستنیشان کرابوو و لە وەرزی ساڵیش کارەکان دەگۆڕدران)

گادەر پۆست: دووایی ئەم کارانە بە چ سەرقاڵ دەبوون و چتان دەکرد؟

جەدیجە مەعروف مەولا: ئەگە وەرزی کار و مووچە و مەزرا با دەبوایە ڕۆژێ پێنج جەم نان و چا ئامادە کرابا(بەیانی،چێشتان،نوێژێ،ئێوارە و شەوێ)، لەو کاتانەی بێ کاریش دەبووین بە تایبەت لە زستان و پاییزان بەرماڵ، گۆریە، دەسماڵ، ڕەشماڵ و ... چا دەکرد و بە مێوژە ڕەشە و گوێز و گولەبەڕۆژە شەو چەلەمان بە سەر دەبرد.

گادەر پۆست: دایە گیان جەنابت ئێستا چەند منداڵت هەیە و ئایا لێیان ڕازی؟

خەدیجە : چوار کوڕ و سێ کچم هەیە یارەبی لە خوای بەزیاد بن هەموویان ماڵ و حاڵی خۆیان هەیە و بە شانازییەوە دەڵێم پێیان سەربڵیندم و ئەوەی لە دەستم هاتووە بە خۆم و پیاوەکەم بۆمان کردوون و ئەلحەق ئەوانیش زۆرمان بۆ باشن و هەموویان زۆر چاک دامەزراون و هەرهەموویان خوێندەوارن و لە کۆمەڵگاش دا گەڵێک ڕێز و حورمەتی خەڵکیان لە بەرە و خەڵکیش بە چاکە دەیان ناسێ.من و حاجی هەر ئێستا لای جەعفەری کورم دەژین و پێکەوە زۆر تەبا و ڕەباین یاخوا ئەوەندەی من لێیان ڕازیم خواش ئەوەندەیان لێ ڕازی بێ بەراستی بە خۆی و ژن و مندالیەوە وەک خزمەتکار لە بەر دەستن دان.

گادەرپۆست:ئێستا دوای نزیک هەشتا و چەند ساڵ ئەزموونی ژیان ئەگە بتهەوێ پەند و ئامۆژگاریمان بدەی چمان پێ دەڵێی؟

خەدیجە مەعروف مەولا:وەڵاهی بابەکەم تەنیا چاکەی بکەن و قەت مەبنە بەکرە شۆفارە هەر چاکە دەمێنێ و ناوی باش هەردەم زیندووە.

گادەر پۆست: هیوای تەمەن درێژتی و سەلامەتی بۆ ئەو دایکە بەڕێزە دەخوازین و ئاواتە خوازین هەموو بنەمالەیەک ئەوها لە خۆشی و تەبایی دابن.


11712
بازدید
11
نظرات
تاریخ ارسال : ۱۲:۳۸:۱۶ _ ۱۳۹۳/۱۱/۱۳
  • :
    ۱۳:۴۳:۴۳ __ ۱۳۹۳/۱۱/۰۸

    واقعا گفتگویی زیبا و دلنشین به زبان کردی بود،دستتان درد نکنه

  • :
    ۱۲:۲۲:۴۶ __ ۱۳۹۳/۱۱/۰۸

    من او ژنه باش ده ناسم جا به راستی زوری کویره وه ری له ژیانی دا کیشاوه وشیره ژنه کی به راستیه خودا ته مه ن دریژی کات ده ستی گاده ر پوستیش خوش بی

  • شلر قادري:
    ۰۰:۳۶:۵۷ __ ۱۳۹۳/۱۱/۲۰

    مصا حبه دل نشيني بود يادش بخير ما با خديجه خانم همسايه بوديم البته من همسن اخرين فرزندش بودم واقعا خانم زحمتكشي بود اون موقع ما كوچك بوديم خياطي هم ميكرد البته براي خانواده خودشون من از اينجا خدمتش سلام دارم ود ستش را ميبوسم خيلي خوبه يادي از اينگونه عزيزان ميكنيد

  • منصور اخروی:
    ۲۰:۲۸:۵۲ __ ۱۳۹۴/۰۲/۲۶

    سلاو بو حمو خوشه ویستان. من لیره وه دستکانی ماچ دکه م . قط لبیرم ناچی امن چند روز له سه ر یک چاوم دهیشا نازانم چی تیدا بو اما خدیجه خانم چاوی منی چاک کردوه . خدیجه خانم جیرانی مه بو و باشترین خانواده بون

  • :
    ۱۲:۳۳:۴۵ __ ۱۳۹۴/۰۳/۱۲

    ئه و بنه ماله یه گه لیک به ریزن و حورمه تی زوریان لای خه لکی شنو و ده ورو به ر هه یه بئ شک وجودی دایکی وه که خه جیج رولیکی مه زنی ده نیو بانگی ئه و خیزانه دا هه بووه ئیمه ش شانازی به و دایکه سه رکه وتوو ه و ژنیکی دلسوزی شاری شنو ده که ین

  • shilan ghadry:
    ۲۱:۵۴:۲۳ __ ۱۳۹۴/۱۰/۱۱

    biji baje khajij ,vit u vejeky ba nirx bo,,,hivay salamty.bo vy u binamalay daxvazim

  • سلیمان نصرالهی:
    ۲۳:۳۶:۰۶ __ ۱۳۹۴/۱۰/۱۲

    ماهم دست باجه خدیجه را می بوسیم اوواقعا زن مهربانی بود تمام بچه محل ها رامثل بچه های خودش دوست داشت.از شنوپرس نیز به خاطر این گفتگوی زیبا متشکریم.

  • شهرام معروف مولا:
    ۰۱:۱۰:۰۶ __ ۱۳۹۴/۱۱/۱۸

    اگه همه زن ها مثل عمه من بود دنیا بهشت بود دس خوشی له شنو پرس دکین ممنون

  • ئاسو:
    ۲۰:۳۷:۰۹ __ ۱۳۹۴/۱۲/۱۸

    ولله هه ر چاووم به م وتويژه كه وه ت ،كوتم ده بى ئه م شيره ژنه ده بى چى كردبى،چه ن ورچ و به رازو كوشتووه، جا به وردى ده م خوينده وه كه هه ر ئيستا ده گه مه باسى موهم به لام دايكه خه جى هر كوتى به ئه سب هاتوومه و مانگام دوشيوه،خولاسه جه نابى خبرنگار تكايه برو فيربه و زياتر بخوينه ئه مجوره وتوويژانه له بارى خه برى ،بيره وه رى هيچ ئه رزشه كى وايه يان نيه، هيوادارم جاره كى تر له مجوره بيره وه ريانه په خش نكريته وه،،،

  • صابر:
    ۲۳:۰۴:۰۷ __ ۱۳۹۵/۰۳/۱۵

    بلي وايه باشترين و چاك ترين بنه ماله ي ناو شاري شنويه ئه و خانواده موحترمه ن

  • سارا:
    ۰۳:۲۹:۲۱ __ ۱۳۹۵/۰۴/۱۳

    هه مووى ژنه قه ديميه كان ئه و كارانه يان كردووه. ژيان ئه و كات سه خت بووه، وام زانى ئيختراعيكى كردووه


نظر خود را ارسال کنید


نام:
ایمیل:
دیدگاه:
کد امنیتی :


تمامی حقوق این سایت ، متعلق به وب سایت شنو پرس می باشد.
طراحی و برنامه نویسی : سورس کد